მთის ტრასების სააგენტო მართავს საბაგიროებისა და სასრიალო ტრასების ინფრასტრუქტურას საქართველოს მთის კურორტებზე - გუდაურში, მესტიაში, ბაკურიანსა და გოდერძიზე.
ჩვენი ისტორია
ჩვენი ისტორია გუდაურის განვითარების სააგენტოს შექმნით დაიწყო
კომპანიის მართვაში ბაკურიანი, კერძოდ, დიდველის სასრიალო არეალი შემოვიდა
კურორტების ქსელს გოდერძი შემოუერთდა
ჩვენი საქმიანობა უკვე ოთხი კურორტის სასრიალო არეალებს მოიცავს, მათ შორის, კოხტას, მიტარბს, ჰაწვალსა და თეთნულდს
განახლებული ბრენდინგითა და ვიზუალური იდენტობით "ემ თი ეის" - მთის ტრასების სააგენტოს (MTA) სახელით დავიწყეთ ოპერირება
მთის ტრასების სააგენტო (MTA) საქართველოს მთის კურორტებზე საბაგიროებისა და სასრიალო ტრასების გამართულ ფუნქციონირებასა და ვიზიტორებისთვის უსაფრთხო, კომფორტული გარემოს შექმნას უზრუნველყოფს.
ჩვენ ვმართავთ და ვავითარებთ გუდაურის, ბაკურიანის, მესტიისა და გოდერძის სასრიალო არეალებს. ოთხი კურორტი - თითოეული თავისი ხასიათითა და დაბრუნების მრავალი მიზეზით.
ყოველდღიური ოპერირებიდან და ინფრასტრუქტურის მოვლა-პატრონობიდან, უსაფრთხოების სტანდარტებისა და გრძელვადიანი განვითარების გეგმებამდე — ჩვენი საქმიანობა მთაში გატარებულ დროს უფრო სასიამოვნოს ხდის. ჩვენ ვზრუნავთ დღევანდელ საჭიროებებზე და ამავდროულად, კურორტების მომავალს ვავითარებთ.
აღმოაჩინე გუდაურისა და კობის არეალები, ბაკურიანში - დიდველზე, კოხტასა და მიტარბზე ისრიალე, მესტიაში ეწვიე ჰაწვალსა და თეთნულდს, ან გაიცანი გოდერძი მთიან აჭარაში.
განსხვავებული ლანდშაფტი და უნიკალური გამოცდილება. ერთი საერთო სურვილი — იპოვო შენი საყვარელი დანიშნულების ადგილი მთაში.
შენი შემდეგი მოგზაურობა მთაში შეიძლება საერთაშორისო სპორტულ მოვლენასაც დაემთხვეს. ყოველდღიურ საქმიანობასთან ერთად, ჩვენ ვმონაწილეობთ ადგილობრივ და საერთაშორისო ზამთრის სპორტის ღონისძიებების ორგანიზებაში, რომლებიც სპორტსმენებს, გულშემატკივრებსა და ახალ შესაძლებლობებს საქართველოს მთის კურორტებზე აერთიანებს.
2023 წელს, ბაკურიანმა FIS ფრისტაილის, სნოუბორდისა და ფრისკის მსოფლიო ჩემპიონატს უმასპინძლა. 2024 წელს კი თეთნულდზე, საქართველოს ისტორიაში პირველად, Freeride World Tour გაიმართა, რითაც საქართველოს მთების მიმართ საერთაშორისო ინტერესი კიდევ უფრო გაიზარდა.
ჩვენთვის ეს ღონისძიებები საქართველოს მთებისა და გამორჩეული სასრიალო შესაძლებლობების მსოფლიოსთვის გაცნობის საშუალებაა. შენთვის კი -კიდევ ერთი მიზეზი, ეწვიო ჩვენს კურორტებს.
პირველი ვიზიტი თუ საყვარელ კურორტზე დაბრუნება. ოჯახური დასვენება თუ მეგობრებთან ერთად მოგზაურობა — საქართველოს მთებში შენთვის შესაფერისი გამოცდილება გელოდება.
აირჩიე კურორტი. შევხვდებით მთაში!
MTA ქმნის თანამშრომლობაზე, პროფესიულ განვითარებაზე, პასუხისმგებლობასა და ერთმანეთის მხარდაჭერაზე დაფუძნებულ სამუშაო გარემოს, სადაც თანამშრომლების ინიციატივა და განვითარება მნიშვნელოვანია.
MTA მხარს უჭერს მდგრად განვითარებას, გარემოს დაცვას, ადგილობრივი თემების გაძლიერებას და საზოგადოებისთვის დადებითი სოციალური ღირებულების შექმნას.
MTA მხარს უჭერს მაღალმთიანი რეგიონების მოსახლეობის დასაქმებასა და პროფესიულ განვითარებას. კომპანია დამატებით სოციალურ-ეკონომიკურ დასაყრდენს ქმნის რეგიონებისთვის და არის მთავარი მოტივატორი, განსაკუთრებით კომპანიაში დასაქმებული ახალგაზრდა თანამშრომლებისთვის, რათა არ დატოვონ საცხოვრებელი ადგილები და ხელი შეუწყონ მთის კურორტების უწყვეტ განვითარებას. ადგილობრივი მოსახლეობის დასაქმება სააგენტოს საქმიანობის მნიშვნელოვანი ნაწილია ოთხივე კურორტზე.
მთის კურორტები
ყველა კურორტს საკუთარი ხასიათი, ლანდშაფტი და ისტორია აქვს.
ემ თი ეი-ს ხედვაა საქართველოს სამთო-სათხილამურო კურორტებზე მომხმარებელს შესთავაზოს განსაკუთრებული სპორტული და რეკრეაციული გამოცდილება - უსაფრთხოების, მდგრადობისა და ინოვაციებისადმი ერთგულებით; მოიზიდოს ვიზიტორები მთელი მსოფლიოდან მთიანი რეგიონების ბუნებრივი სილამაზისა და კულტურული სიმდიდრის აღმოსაჩენად, შედეგად, უზრუნველყოს ადგილობრივი თემების მხარდაჭერა და გარემოს დაცვა.
ემ თი ეი-ს მისიაა საქართველოს სამთო-სათხილამურო კურორტებზე სპორტულ-რეკრეაციული გამოცდილების უზრუნველყოფა უსაფრთხოების, მდგრადობისა და მუდმივი ინოვაციების ხელშეწყობით. სათხილამურო ინფრასტრუქტურის განვითარება და ოთხი სეზონის ტურისტული პროდუქტების შექმნა. მიზნობრივ ბაზრებზე საქართველოს სამთო კურორტების, როგორც წამყვანი მიმართულების პოზიციონირება.
