მესტია

ადგილი, სადაც სუნთქვა გეკვრის. მთები, რომელთა აღწერაც სიტყვებით შეუძლებელია.

შესაძლოა, მესტიას სრიალის მიზნით ეწვიოთ; თუმცა, ადგილზე აღმოაჩენთ, რომ ის მხოლოდ სათხილამურო კურორტი არაა. მესტია უნიკალური კულტურისა და თვალუწვდენელი მწვერვალების სილამაზის შერწყმის ადგილია. ქალაქს შუასაუკუნეების კოშკები დაჰყურებს, სუფრასთან სვანური კერძები გელოდებათ, ხოლო თაობიდან თაობაზე გადაცემული ტრადიციები ყოველდღიურობის ნაწილია.

აქ თანამედროვე სათხილამურო ინფრასტრუქტურა სვანეთის ცოცხალ მემკვიდრეობას ერწყმის და თქვენს დასვენებას სრულიად ახალ სიღრმეს სძენს.

მესტია ჰაწვალისა და თეთნულდის სამთო-სათხილამურო არეალებს აერთიანებს. არეალების ორი სრულიად განსხვავებული ლანდშაფტი შესაძლებლობას გაძლევთ, წიწვოვანი ტყით შემოსაზღვრულ ჰაწვალის ტრასებზე ან თეთნულდის ალპურ ფერდობებზე გამოცადოთ თავი ერთი მოგზაურობისას. მესტია ის დანიშნულების ადგილია, რომელიც თხილამურით, ფოტოაპარატითა და დიდი ცნობისმოყვარეობით უნდა აღმოაჩინოთ.

დილა ტრასებზე. შუადღე ისტორიულ კოშკებს შორის. საღამო სუფრასთან ადგილობრივი გასტრონომიის დასაგემოვნებლად.